经２４小时通关）」

「横琴口岸过关新体验！」？？

哇，好耶！有「横琴」，唔使「发蹄腾」啦。我顺利搭到２３：４５去港澳

码头嘅船，挨近凌晨一点到步出境，然后跳上的士，叫司机车我去横琴口岸。

深夜登陆嘅澳门此时烟雾弥漫，狂风飕飕，鬼雨洒空草，魑魅呼喊着魍魉回

答着魑魅，听到睇唔到。

「小姐，你都算好彩喇，遇到我呢个正人君子，咁夜都肯车你去横琴，

唔开天杀价。呢个钟数，畀着我啲同行，连表都唔开，直接劏你三四旧水？。

（哥哥，乜」横琴「好远？咩？我问过服务台阿姐，佢话远过去」关闸「少少？

咋喎，澳门好细啫？）系，正常你喺澳门由一点飞的到任何一点，几远都唔贵过

两百几蚊车钱，但系横琴好偏僻荒芜，响黑沙湾嗰边，即系澳门最南最

笃笃嗰头，根本仲开发紧咁。仲有呀，阵间到横琴，过咗澳门关，中间隔条高速

公路，唔畀行过去嘅，一定要搭车，先到珠海关？。而家点几钟啦，你好彩嘅话

就搭到白牌的士，一程过，车到你过关兼出市区，不过你预咗要被劏一笔，几旧

水人仔咁啦。（？？哥哥呀，我身上先得三百蚊港纸，同八十蚊人仔咋。咁系咪

唔使旨意过到关？我已经开始好攰，好眼瞓，而家，仲有些少淆底。）可能性低

啲咁啦，我唔敢讲完全无可能嘅。」

司机哥仔继续用半夜电台讲鬼故节目嘅声线腔调同我解释，一路过桥：「呵，

呢条桥，窄呀哩、恐怖呀哩？大巴唔过得，只准车仔过？，呢度一年都死三四十

个嘅。（点解？）交通意外啰，啲电单车畀车撞到飞出个海度啰。？？」最后，

个表跳到二百零二蚊，「好喇，齐头二百得喇，祝你好运呀下。」然后架的士以

风驰电掣之势开走咗，眨眼间已经不知所踪；眼前迎接我嘅正是凌晨两点嘅「雨

夜横琴」、几个彪形大汉，仲有一只唔使缆绳自由奔放嘅黑狗。

睡意压抑住惧意，我来回踱步，怀疑紧眼前系咪正确嘅入口之际：一架大旅

游巴到达。十零廿个操普通话嘅大妈大叔，拖住一箱箱行李，跟住领队嘅指挥，

向我嘅方向行嚟。呢个时候，我「跟队」「带头」行入过境大堂，不过佢哋集体

行动，好慢，我唯有想像自己系外交官般嘅特别贵宾，独个享受既方便又快捷嘅

过关服务，直至过咗第重澳门关，穿到大堂另一端，准备「过桥」去珠海关。四、

五个彪形大汉挨住一架黑色私家车，向我索价三百人仔车我到珠海市区－但就算

有钱，我都唔敢、唔舍得上车喇；我转而探问「旅行团」领队同旅游巴司机，泪

眼汪汪咁求佢好心载我一程。「小妹妹，算你好彩喇，我咁啱住呢头顺路咋。仲

有班去台湾嘅旅行团，飞机ｄｅｌａｙ咗成两三个钟，又有个团友话唔见咗证件，

响关口搞咗成个钟，成村人等埋佢先行；如果唔系你都撞唔到我哋呀。」

我到男朋友住嗰幢大厦嘅时候，已经成三点钟。我静静用佢畀我嘅后备门匙

开门入屋，一入去就听见男朋友喺床度瞓得好林喇。我拖住疲倦嘅身躯去冲个快

凉，然后静静打开房门，用最轻嘅脚步行近张床，点知突然间－

「（受惊高呼）边个？」

男朋友以为我系嚟老笠嘅贼，竟然快到即刻弹起身，推我埋墙、捂住我口，

仲攞咗把坚嘅刀仔（后记：听讲喺大陆住治安好差，ｔｈａｔ，　ｓｗｈｙ佢会有

把刀仔放喺床几度。）出嚟降住我条颈；刀背冰冷嘅压迫感，霎时吓到我倦意全

消，反而勾起咗成晚险过剃头嘅「历险记」，开始「知」惊，开始觉得难以置信，

一时间都叫唔出「系我呀，伊欣呀」，眼泪就不能自控咁系咁流落嚟。

「呜？？呜？？我，我好惊，对唔住，系我唔话你知，偷偷走过嚟？？头先

过横琴关，好恐怖呀？？呜？？呜？？」

佢终於意识到个「贼仔」原来系我，马上移开把刀，张开手抱实我：「啊，

伊欣，啊，原来系你。」但系我全身仍然震个不停，止唔到眼泪系咁喊，系咁喊？？

佢见我情绪未平伏，转而不停锡我，用佢嘅呼吸调节我嘅呼吸，直至裤裆涨起顶